18 Jun 2016
Kan maxxanse Naa'ol 
Loading ...
Sirba Haacaaluu Hundeessaa Maalan Jira Rekordi Cabse!
Ji’a Waxabajjii waggaa darbe bara 2015 A.L.A sirbi Haacaaluu Hundeessaa, Maalan Jira kan jedhu bifa ammayyaatin klippi dhan hojjetamuunsaa niyaadatama. Guyyaa har’a sirbi kun erga qilleensarra oole wagga tokko guuteera. Wagga tokko keessatti sirbi Afaan Oromoo namoota miliyoona olii kan daawwatame yeroo jalqabaaf sirba Haacaaluu Hundeessa dha. Yeroo Kanattii marsaa Youtube irratti sirbi Maalan Jira walumagalattii namoota miliyoona 2 oliitu daawwatee ittin bohaare.
Sirbi kun dinqisiifatoota fi taajjabdoota hedduun kan jaalatame yoo ta’u wagga dhuma tokko keessatti badhaasa DireTube Music Award kan argatees beekamera. Qopheessaa klippii Maalan Jira Obbo. Amansiisaa Ifaa badhaasa DireTube Music Award irratti akka dayirektariittis badhaafamee ture.
Maalree sirba Hacaaluu Hundeessaa waggaa tokkoffaasaa kabajuun guyyaa har’a sirba Maalan Jira isiin afeeru barbaanne. Daawwatoota fi hordoftoota marsariitii Xalayaa.com hundumtu keessan Sanbata gaari isiniin jechaa sirba Haacaaluu Hundeessa Maalan Jiraan bohaara!
Hora Bula!
