15 Feb 2016
Kan maxxanse Naa'ol 
Loading ...
Lammiin si gaafata! Diraamaamoo fiilmii, Akkamiin amanna? – Walaloo Abbaa Lataaaf
Ni boqatte jedhu
Dhugaadhaa? Abbaa Lataa
Amanuu dadhabee
Lammiin si gaafata!
Diraamaamoo fiilmii
Akkamiin amanna?
Ciistee hafte jedhu
Dhibee si mudate
Mee eenyuun gaafanna!?
Saba si jaallatuuf
Maa Garaa jabaatte?
Halkan dukkanumaan
Kan deemtee fagaatte!
Nama umurii guutuu
Aadaasaaf jiraate
Aartii isaa guddisuuf
Dabarsee of laate
Akka Nama tokkoo
Qixxee namaa duute!
Garaa jabeettittiin
Duuni maal saalfatti
Cimaa akka keetiis
Isa yaraas nyaatti
Si dhukkuba jechuu
Ani homaa hin dhageenye
Niboqatte jennaan
Amanuu hin dandeenye!
Egaa ati hin deebitu
Tarii nutu dhufa
Guca ati qabsiiste
Ifee itti fufa
Dhalachuufiin duuni
Wal qixxee jiraata
Garuu kankee kuni
Garaa nama nyaata!
Atis kunoo egaa
Qixxee namaa ciistee
Diraamaafiin baacoos
Hundumasaa dhiistee !
Lubbuukeef jannata
Maatiif jajjabina
Nuyis sabni keetii
Siin dhabuuf gaddina!
________
Barreessaan walaloo
Roobeeraa Hinsarmuu
Yaadannoon Abbaa Lataaf.
Thanks for the beautiful poem!
Xalayaa.com
14 Comments
Goota aadaa lammiif jiraate. Biyyoon siif haa salphattu. Seenaan bara baraan si yaadata. Garuu du’a isaa amanuu hin dandeenye. Miidiyaan tokkollee waa’ee isaa dubbachaa hin jiru. Badii maal qaba?
Baayyee baayyee tokko nama gaddisiisa worra isaatiif ummata oromoo hunda jajjabina hawwaa abbaa walaloos nuu jiraadhu bakka isaa nu bu’ii siin jiraadha
biyyeen itti haa saalpatu lubbuu isaaf jeenata maatisa jajjabinan hawwa
Maatii isaa fi Uummata oromoo guutummaaf jajjabina hawwina!
biyyeen itti ha salphattu goota aadaa keenya
Nan na dhibeera kun akkamin callisuu duuti Admaasu akkam akka dhokatu midiyaan kamuu hin ibsu, fb qofaa waa’ee isaa an ibsu=====//=====//=== //
Maatii isaatii fi Uummata Oromoo maraaf jajjabina hawwa!!!!!!
gaddine akka malee
abbaa lataa dhabne
hayyuu keenya coollee
garuu hojiin jira
boodallee fuuldura
lubbuun haa boqottu
abbaa lataa hayyuu lammiin jaalattu
RIP!!!!!!!!biyyeen sittii haa salphatu!!!!!!!!!!!!!!!!!!!!!!!!!
Baay’ee Namatti Dhagahamaa Dhugaadha
Maatii isaatii fi Uummata Oromoo maraaf Jajjabina hawwaaf!!!!!!
Baay’een gadde waanan jedhuun wallaale biyyeen itti haa salphatu
baayyee nama gaddisiisa.ta’us garuu maal ta’e du’u danda’e dkukkubaa ture? quba qabddu
Miidi’aanillee kan kee calluma jette; cubbuu oromoon hojjete wallaalle; tigireedhaaf ji’a tokko ululleen afuufama; qaanqee og-barruu ati qabsiisteef qeerroon oromoo yeroo mara si yaadata! lubbuu keef jannatan hawwa; lammiikee ummata oromoo maraaf jajjabinan hawwa!