09 Feb 2016
Kan maxxanse Naa'ol 
Loading ...
Kophee obbo. Naa’ol Abba-Firrisaa
Naa’ol Abba-Firrisaatin
Siwaliin gubadhee
Siwaliin gubadhee
Siwaliin dhiitamee
Waliin fiigne
Waliin cabnee
Nattii rarraatte
Aniis sittii rarra’ee
Nattii maxxanttee
Aniis sittii maxxanee
Hin ulfaatta jettee nan ceephine
Ba’aan koo sittii tolee
Siwaliin mixii biyyee nyaachisee
Udaan sareefi kan nama waliin ejjanne
Laga 9 waliin dabarree
Iddo cubbuu fi tola hunda waliin imallee
Qoree fi gufuu hunda tarkanfannee
Waraanamne miidhamnee
Iciitii keenya waliif dhoksinee
Waldhabna jenne tasaa hin yaadne
Harra immo sidhiisuf karoorfadhe
Kolfa fi qosa hiriyoota kootu nattii caale
Si jibbeeti mitii ufiif yaade malee
Tarsaa keetu nama natuffachiise
Waggaa bayy’ee wajjiin jiraanna se’ee
Qarshii koo hunda sirrattii dangalaase
Si didhiibee
Dhadhaan si bareeche
Dhibaati hundaa bitee sittii laaqe
Namaan uf qixxeesuf si dhiqee
Si miichee si bareeche
Waggaa baayyee waliin jiraanna jedhee abdadhee
Warrii sigurguran na amansiisani si bitadhee
Kaleessa gabaa oole
Qalbiin koo na dhaabbatee
Si dhiisee kan biraa ilaale
Isa sicaalu argadhee
Kan dubrumma qabu argee
Kan takka hin tarsaafne
Kan gandarraa hin deemne
Kan urgaan ishee shittoo chaalu
Kan ijattii namattii toluu
Kan baraaf furguggee nawaliin dabarsituu
Hin gaddiin nattii
Galata kee hin dagadhuu
Ammaaf immoo nagaattii
Barrii hin darba
Aniis si darbeera!
Walaloo Barreessa: Naa’ol Abba-Firrisaa
22 Comments
walaloo kee kanaaf galatomi jabadhu.
namatti tola
Baayee gaariidha
Baay’ee Isin Jaallanna Nagaan Nuuf Jiradhaa
Nuuf jiraadha dhaloonni qubee qalamni keessaan hin dhumiin
gaariidha,galatoomi.
Horii buli nuf jiraadhu fira koo
Dhugaa Qabdaa
Akkam namatti tola silaa!!!
baayyee baayyee gaariidha walaloo kee kana buusee hiriyaa koo durii amma jibbeef ergeera. Dammituu Buzunaa Ingidaa jedhamti.
baayee namatii tolaa nuuf jiradhaa lamii
qalamnii kee hin dhumiin galatoomi afoola keenyaa waliin haa guddifnu jabadhu!
Heedduu natti tolee jabaadha itti fufaa, anis jaalallee koo oromiyaadhaaf walaloo akkan barreessuu abdiin qaba. jajjabaadha. biiftuun dhiitee baatuun hin ooltuu.
Dhugaadha baayyee namatti tola. Isa hubatee dubbiseefis barnoota gaaridha. Ulfaadhu
WALALOO KEE HEDDUU NAMATTI TOLAA DABALIMMEE
SANYII GOOTAA
walaloo kee hedu namatii tolaa gara fulduratii kan cala itii qophestee yada ijoo fi bilichata saba oromo bonsuu akka nuf baresituu abdii waqara qaba
dhaloota qubee qalamnike akka gaaritti sif ha mirgisu!
bareedaadha namatti tola.
jabaadhu jajjabe!qalamni kee hin gu’iin
heddu galaatomii
Baay’ee namatti tola!
haala ajaa’ibaan namatti tola kana malees nuuf barreessaa!!!!!!!